Ég veit betur en þú!

6.7.2009 | 11:57

Þú kannt ekki neitt svo láttu mig kjurrt ég geri þetta sjálf!

... er þetta ekki of algengt viðhorf fólks í dag?

og svo bjánarnir sem kunna ekki, þau dást af þessum "eldmóði" og vilja drífa sig til að læra og kunna eins vel og hann/hún sem KANN!

Ég sjálf er mikið fyrir að kunna, þó vil ég orða það aðeins öðruvísi, ég vil læra, ég elska að læra og ég játa það mig langar að kunna allan andskotann og er búin að læra heilan helling nú þegar. Ég vil núna, eftir 4 ára klæðskeranám, læra að gera við bílinn minn sjálf, ég vil læra grunninn á smíði, ég vil læra gullsmíði, skósmíði, ég vil fara í félagsfræði, heimspeki og forníslensku og fleira en ég þarf engar sjálfshjálparbækur, þetta lærist alltsaman í skólanum í gegnum bækur tengdar efninu! :D Svo er það bara spurning um að velja og hafna.

Ég hef annars litla trú á að fólk geti heilaþvegið sig sjálft en þessar sjálfshjálparbækur kenna að mínu mati ekkert annað en heilaþvott og það er slæmt í mínum bókum.