Grænir fingur

Rosalega er ég að verða reið yfir þessum fréttum, er því raunverulega haldið fram að "fíkniefnamarkaðurinn" sé einungis rekinn með cannabis efnum? Sem eru vímuefni, ekki fíkniefni. Ísland er með kókaín og spíttvandamál, svo alvarlega að fólk og unglingar eru farin að þamba orkudrykki eins og þau fái borgað fyrir það.

Svo er krystal meth komið til landsins! Vissi einhver það? Að einblína einungis á náttúrulega jurt sem róar fólk niður, vekur upp matarlist og er notuð til ýmissa lækninga og svo hunsa stór hættulegt fíkniefni er vitfyrring.

Krystal meth virkar svipað og almeningur heldur að kannabis gerir. Efnið étur upp heilann, drepur fólk að innan og umbreytir neitendanum í hættulegan dópista með aðeins eitt takmark, að ná í næsta skammt. 

Kannabis er talið éta upp heilann en það kemur svo í ljós að þeirri rannsókn (Dr. Robert Heath stjórnaði þeirri rannsókn, seinni part 1970) var stýrt til að fá slíka niðurstöðu. Apar fengu mataðann í sig banvænann skammt af THC í gegnum grímur, aparnir náðu ekki að klára útreiknaðann "banaskammt" því þeir dóu úr súrefnisskorti. Þetta var skráð niður sem morð á heilasellur. Þessi rannsókn var mikið gagnrýnd í vísindaheiminum þegar niðurstöður og rannsóknaaðferðir voru opinberaðar, er enn í dag mikið gagnrýnt en yfirvöld og lögregluveldið heldur rannsókninni hátt á lofti sem eitt af sínum aðal sönnunum á skaðsemi illgresisinns.

THC sest á heilann eins og slikja, hana er auðvelt að losna við á nokkrum vikum, bara hætta að reykja. Það er auðvelt að hætta að neyta kannabisefna því þau eru ekki ávanabindandi, minna en súkkulaði því koffín (sem er í súkkulaði) er meira ávanabindandi en cannabis.

Mörgum finst þó reykurinn verulega góður og reykja of mikið en það er nú bara þannig með neytendur, þau neyta mikils af því sem er gott, en það þarf ekki að vera ávanabindandi fyrir það.

Afhverju erum við svona hrædd við fólk sem nýtur þess að skynja? Það er það sem kannabis neytendur sækja í. Ef við ætlum að úthýsa fólki sem nýtur lífsins með því að skynja umhverfi sitt betur, sem nýtur þess að gleðja braglaukana, hefur unun af því að horfa á umhverfið sitt og náttúruna, hugsa og spjalla um heima og geima þá gætum við alveg eins gert fólk með einhverfu að glæpamönnum en þau eru fædd með mikklu sterkari skynjun en við. Stelpa frá Bandadíkjunum sem er með einhverfu tjáði sig um það á netinu að hún horfði ekki framan í fólk því það væri of mikil skynjun, svo mikil að það var yfirþyrmandi fyrir hana, eins og að stara í sólina. Því var haldið fram lengi að fólk með einhverfu kæmu frá köldu heimili, þau voru talin tilfiningalaus, ekki í sambandi við umhverfið sitt og vitleysingar. Við vitum sko sannarlega betur í dag og erum enn að læra. 

Hugsa sér, hið fullkomna, alvitra og stórvísindalega þjóðfélag er enn að læra. 

...og það er ekkert til að skammast sín fyrir. 

 

 

 

Kannabisræktun í Reykjavík

Athugasemdir

[Grefillinn Sjálfur - Koma svo! (IP-tala skráð) 22.7.2010 kl. 13:02]

Heimurinn er troðfullur af alls konar fólki sem telur sig vita allt um það sem það þekkir ekki neitt. Það er vandamálið í þessum málaflokki og fjölmörgum öðrum sem eru ekki komin lengra en þau eru vegna skorts á almennri skynsemi.

Vandamálið við almenna skynsemi er að hún er ekki nógu almenn.